apnon ko neglect karna shayad insaan ki fitrat hoti hai...jaise ki meri personal diary;shayad mere sabse apne.Par main roz kahan isse baat karti hoon..kabhi kabhi bahut kuch batati hoon ise aur kabhi kabhi dhool jamne deti hoon is par...phir bhi yeh diary meri baatein sunne ke liye hamesha tayaar...meri adhuri baatein jaise puri tarah samajh leti hai yeh.kabhi shikayat nahin karti ke itne dinon se kyon kuch nahin bataya ya phir aaj itna kyon pakaya...
meri personal diary...jis par yaqeen karne se kabhi darr nahin lagta mujhe...jaanti hoon ke yeh mujhe dhoka nahin de sakti kyon ki yeh bejaan hai...aise hi koi agar mujhe bhi bahut hi apnaa aur vishwas ke layak aur bejaan bhi samjhe to uski negligence paane mein itni taqleef kyon hoti hai...
1 comment:
aapke baare me pehle padha to gussa aaya.....lga jaise ye lines meri kitab se churayi hui hai..... phir kavita padhi to lga jaise aap mere liye likh rahe hoo.....
phir lga kahin na kahin mea saath hi ye sab nahi ho raha aur yahi zindagi ki saachayi hai......
Post a Comment