Zaruri nahin ke har ek kavita sochne pe majboor kare.Waise hi zaruri nahin ke kisi kavita ko kavine jo sochke likhi hai pathak padhke wohi samjhe. Pathak to kuch bhi matlab nikaal sakta hai. Aur aisa bhi hota hai ke kisi kavita ko likhte waqt kavi ne shayad socha bhi na ho aisa hi kuch matlab nikal aata hai. Thik jaise har kisiki zindagi logon ko sochne pe majboor nahin karti, har koi ek hi nazriye se zindagi ko nahin dekhta, aur kabhi kabhi jiski zindagi hai wo bhi nahin janta ke iske maine kya hai aur kya kya maine nikale ja sakte hain. Aur mujhe to lagta hai ke main khud hi ek kavita hoon, jo kavita bani ya nahin khud kavi ko bhi nahin pata...Zamane pe chhod deti hoon aur dekhti hoon ke kya kya vishleshan saamne ata hai... :)
No comments:
Post a Comment